خلافات التتر… نضال الشافعي يكشف تفاصيل الأزمة داخل مسلسل "درش"

كشف الفنان نضال الشافعي حقيقة الأخبار التي تم تداولها عبر مواقع التواصل الاجتماعي خلال الأيام الماضية عن خلاف بينه وبين الفنان مصطفى شعبان وصنّاع مسلسل "درش"، الذي شارك به في دراما رمضان الماضي، حول كتابة اسمه على تتر العمل.ونفى نضال في ندوة خاصة، لتكريمه عن تميزه بالموسم الدرامي الرمضاني المنقضي، وجود خلاف بين الأبطال حول ترتيب الأسماء أو كتابتها من عدمه، قائلاً: "ده مسلسل نجم كبير زي مصطفى شعبان، وحتى مصطفى نفسه لو ما اتكتبش اسمه على التتر فمعروف إن المسلسل بتاعه وإحنا كمان ككرو عمل بشكل عام يعني كان يهمنا الوجبة الدرامية اللي إحنا بنقدمها... وترتيب الأسماء ده بتاع الجمهور لكن بشكل عام كلنا كنا مرضيين ما عندناش المشكلة دي وما اتكلمناش في فكرة التتر والأسماء والتفاصيل دي".وأضاف: "ساعات لما بيبقى فيه مجموعة كبيرة من النجوم في عمل من الأعمال الشركة المنتجة بتحاول ما تعملش... زي مثلاً بيكتبوا بالحروف الأبجدية أو على حسب الظهور".واختتم نضال الشافعي بالقول: "ما حصلش مشاكل في مسلسل "درش" وما قطعناش شعور بعض ولا أي حاجة من دي".نضال الشافعي يتحدث عن دعم زملائه وتأثيره في حالته النفسيةكان نضال الشافعي قد كشف عن كواليس تجاوزه فترة أحزانه بعد وفاة والدته وزوجته تباعاً، وتأثير دعم مَن حوله في تجاوز هذه الأحزان.وقال نضال: "المخرج الوحيد لي كان لطف ربنا سبحانه وتعالى والشغل... يعني إن ربنا يرزقك بشغل يخدك شوية بعيد عن حياتك وعيشتك وتفاصيلك فتعرف تتنفس وتعيد ترتيب نفسك وترتيب أوراقك... لا قدّر الله لو ما كانش ده حصل أنا ما عرفش حالتي النفسية هتبقى عاملة إزاي دلوقتي والتفكير هياخدني لفين".وتابع: "الشغل أحسن علاج للبني آدم في الظروف اللي زي دي... وربنا أنعم علينا كممثلين بإننا نعيش حيوات أخرى بشخصيات تانية في أعمالنا فده بيعمل لنا نوع من أنواع العلاج النفسي وأنا في المعهد درست السايكو دراما اللي بتعتبر نوع من أنواع التفريغ النفسي للممثل".